Ötən gün intihar edən Müdafiə Nazirliyinin N saylı hərbi hissəsinin hərbi qulluqçusu, əsgər Anar Hüseynovla bağlı yeni detallar məlum olub.
Modern.az xəbər verir ki, özünü öldürən hərbçimiz Goranboy rayonunun Kələk kəndindəndir.
18 yaşlı hərbçinin ölümü ilə bağlı cinayət işi açılıb.
Müxtəlif ekspertizalar təyin edilərək, icraya yönəldilmiş və digər istintaq hərəkətləri həyata keçirilib.
Hazırda istintaq davam etdirilir.Ж
Qeyd edək ki, ötən gün hərbi qulluqçumuz, əsgər Hüseynov Anar Yolçu oğlu özünü öldürüb. Bu barədə Ağdam hərbi prokurorluğuna məlumat daxil olub. Daxil olmuş məlumat əsasında Ağdam hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb.
