Gəncədə avtobus dayanacaqları avtomobillər tərəfindən istismar olunur.
Gencexeber.az-ın məlumatına görə, Nizami Gəncəvi prospektində, Gəncə Qarnizonu Zabitlər Evinin qarşısında yerləşən avtobus dayanacağı park edilmiş avtomobillər tərəfindən "işğal edilib". Bu səbəbdən ictimai nəqliyyat vasitələri dayanacaqdan kənarda saxlamalı olur, sərnişinlər isə avtobusa minmək və düşmək üçün yola çıxmağa məcbur qalırlar.
Şəhər sakinləri bildirirlər ki, bu vəziyyət həm təhlükəsizlik baxımından risklidir, həm də hərəkət iştirakçıları üçün əlavə narahatlıq yaradır. Onların sözlərinə görə, aidiyyəti qurumlar bu problemin aradan qaldırılması üçün tədbir görməlidirlər.
