Türkiyədəki Azərbaycan Mədəniyyət Mərkəzinin layihəsi ilə Azərbaycanın dahi şairi, Türk dünyasının tanınmış mütəfəkkiri Nizami Gəncəvinin "Xəmsə"sinə daxil olan bütün əsərlərin orijinaldan Türkiyə türkçəsinə tərcümə və nəşr layihəsi həyata keçirilir.
Teleqraf.аz-a bu barədə Türkiyədə fəaliyyət göstərən Azərbaycan Mədəniyyət Mərkəzindən məlumat verilib.
"Xəmsə"yə daxil olan əsərlərin orijinaldan Türkiyə Türkçəsinə tərcüməsini Erzurum Atatürk Universitetinin professoru, tərcüməçi Nimet Yıldırım tərəfindən həyata keçirilir.
Azərbaycan Mədəniyyət Mərkəzinin növbəti layihəsi ilə dahi Nizami Gəncəvinin "Leyli və Məcnun" əsəri Türkiyə türkçəsində Ankarada nəşr olunub.
Nizami Gəncəvinin Türkiyə türkçəsində çapdan çıxan "Leyli və Məcnun" əsərinin isə cari il 14 dekabr tarixində Azərbaycan və türk alimlərinin iştirakı ilə 42-ci İstanbul Beynəlxalq Kitab Sərgisində təqdimatı nəzərdə tutulub.
Qeyd edək ki, Nizami Gəncəvi "Xəmsə" ilə epik poeziyanın əbədi incilərini yaratmış, zəngin yaradıcılıq xəzinəsi ilə bəşər ədəbiyyatının zirvəsini fəth etmişdir.
