Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi tərəfindən şəhərin ən böyük yaşayış massivlərindən biri olan Sadıllı qəsəbəsinin İlham Müzəffər oğlu Əliyev, Xəmsə, Validə Tutayuk, Turqut Ozal və Rəmziyyə Veysalova küçələrində, həmçinin qəsəbənin 17 nömrəli məktəbinin ətrafında təmizlik işləri görülüb.
Gencexeber.az quruma istinadən bildirir ki, adıçəkilən ünvanlar məişət tullantılarından, alaq otlarından, eləcə də toz-torpaqdan təmizlənib.
Ərazidən keçən arxlarda yığılıb qalan tullantılar bir yerə yığılaraq daşınması təmin edilib. Aksiya çərçivəsində qəsəbədə məişət tullantılarının atılması üçün nəzərdə tutulan müxtəlif tutumlu konteynerlər boşaldılıb, ətrafları təmizlənib. Təmizlik işlərinə MKTİB-nin Ərazi Xidmət Sahələrinin əməkdaşları cəlb olunub.
