Azərbaycanda faktiki və gözlənilən hava şəraiti ilə bağlı məlumatları operativ əldə etmək və izləmək məqsədilə Milli Hidrometeorologiya Xidməti tərəfindən meteo.az mobil tətbiqi test rejimində istifadəyə verilib.
Gencexeber.az məlumat verir ki, bunu Xidmətin rəsmisi Gülnarə Abbasova bildirib.
O qeyd edib ki, tətbiq vasitəsilə ölkə ərazisində mövcud və gözlənilən hava şəraiti, temperatur, küləyin sürəti və istiqaməti, atmosfer təzyiqi, rütubət eyni zamanda təhlükəli hava ilə bağlı xəbərdarlıqlar haqqında məlumatlar təqdim olunur. Tətbiqdə qısamüddətli proqnozlarla yanaşı həftəlik hava proqnozları da qeyd olunur.
Xidmət rəsmisinin sözlərinə görə, meteo.аz mobil tətbiqi hazırda İOS platforması üzərindən fəaliyyət göstərir, yaxın vaxtlarda "Android" versiyası da ictimaiyyətin istifadəsinə veriləcək.
