“Kəpəz” PFK-nın iki oyunçusuna cərrahi müdaxilə ediləcək.
Gencexeber.az klubun rəsmi saytına istinadən məlumat verir ki, Azərbaycan Premyer Liqasında Gəncəni təmsil edən “Kəpəz” PFK-nın iki futbolçusu - yarımmüdafiəçi Elmir Tağıyev və müdafiəçi İlkin Qırtımov cərrahiyyə əməliyyatı olunacaq.
Əzələ qopmasından əziyyət çəkən Elmir Tağıyev Türkiyənin İstanbul şəhərində, İlkin Qırtımov isə Bakıda əməliyyat masasına uzanacaq. Təcrübəli futbolçuya diz oynağının medial meniskin yırtığı diaqnozu qoyulub.
Hər iki oyunçunun bərpa müddəti 3 həftə çəkəcək.
