AFFA İntizam Komitəsi iki qərb təmsilçisini cərimələyib.
Pfl.аz məlumat verir ki, "Kəpəz" və "Turan Tovuz" futbol klubları Azərbaycan Kubokunun 1/8 final mərhələsinin oyunlarında yaşananlara görə ziyana düşüblər.
"Turan Tovuz" evdə "Sabah"a penaltilər seriyasında uduzduğu görüşdə azarkeşlərin hakimlərin ünvanına kütləvi şəkildə təhqiramiz ifadələr səsləndirməsi (cari mövsümdə ikinci dəfə) ucbatından 500 manat ödəyəcək. Meydan sahibləri tərəfdarlar pirotexniki vasitədən istifadə etdiyi üçün daha 1500 manat cərimə olunub.
"Kəpəz" isə "İmişli"ni məğlub etdiyi (1:0) qarşılaşmada dörd futbolçusu sarı vərəqə ilə cəzalandırıldığından 700 manat ödəyəcək.
