Futbol üzrə Azərbaycan Premyer Liqasının XII turu çərçivəsində Gəncəni təmsil edən “Kəpəz” öz meydanında “Səbail”i qəbul edib.
Gencexeber.az məlumat verir ki, Tovuz şəhər stadionunda keçirilən oyun gəncəlilərin 1:0 hesablı qələbəsi ilə yekunlaşıb.
Matçda yeganə qolu 90+5 dəqiqədə Camal Cəfərov rəqib qapısından keçirib.
Qeyd edək ki, bugünkü uğurlu nəticə "Kəpəz"in turnir cədvəlində irəliləməsinə təsir göstərməyib. Sarı-göylər 6 xalla çempionatın sonuncu pilləsində qərarlaşıblar.
