Fikrət Əmirov adına Gəncə Dövlət Filarmoniyasının Urban mərkəzində III Gəncə Kitab Sərgisinin açılışı olub.
Gencexeber.az məlumat verir ki, açılış mərasimində kənd təsərrüfatı naziri Məcnun Məmmədov, dövlət qurumlarının nümayəndələri, “Azərbaycan Nəşriyyatları Assosiasiyası” İctimai Birliyinin sədri Şəmil Sadiq, həmçinin yazıçılar, naşirlər, ziyalılar, tələbə və məktəblilər iştirak ediblər.
Açılış mərasimində çıxış edən ziyalılar, ədiblər, naşirlər kitaba və mütaliəyə marağın artırılması baxımından bu cür tədbirlərin təşkilinin böyük önəm daşıdığını bildiriblər. Qeyd olunub ki, Azərbaycan ədəbiyyatının, şərq fəlsəfəsinin beşiyi sayılan Gəncədə kitaba maraq hər zaman yüksək olub. Gəncədə kitab sərgisinin keçirilməsi artıq bir ənənə halını almaqdadır və bu da olduqca sevindiricidir.
Qeyd edək ki, Azərbaycan Respublikası Mədəniyyət Nazirliyi və Gəncə Şəhər İcra Hakimiyyətinin dəstəyi, “Azərbaycan Nəşriyyatları Assosiasiyası” İctimai Birliyinin (ANAİB) və Gəncə İctimai İştirakçılıq Məclisinin birgə təşkilatçılığı ilə keçirilən III Gəncə Kitab Sərgisi dekabr ayının 8-dək davam edəcək.
[caption id="attachment_72141" align="alignnone" width="696"]
[/caption]
[caption id="attachment_72143" align="alignnone" width="696"]
[/caption]
[caption id="attachment_72142" align="alignnone" width="696"]
[/caption]
