Gəncədə abadlıq-quruculuq işləri davam etdirilir.
Gencexeber.az-ın məlumatına görə, Gəncədə – Ruhulla Axundov və Ozan küçələrinin kəsişməsində yerləşən tarixi bina əsaslı şəkildə bərpa olunub.
Bakı Abadlıq Xidməti tərəfindən aparılan restavrasiya işləri çərçivəsində binanın dam örtüyü tamamilə yenilənib, fasadı isə tarixi görkəminə qaytarılıb. Pəncərə və çərçivələr dəyişdirilib, eyvan isə yenidən taxtadan yığılıb. Bütün işlər binanın memarlıq üslubunu qorumaqla həyata keçirilib.
Yerli sakinlərin sözlərinə görə, bina uzun müddət baxımsız vəziyyətdə olduğundan qəzalı hala düşmüşdü. Restavrasiya nəticəsində həm onun təhlükəsizliyi təmin olunub, həm də şəhərin bu hissəsi daha səliqəli görkəm alıb.
