Gəncədə 7 nömrəli avtobus marşrutunda sərnişinlərdən birinin hərəkəti narazılıq yaradıb.
Gencexeber.az-a daxil olan şikayətə əsasən, nəqliyyat vasitəsinin salonunda qadın açıq şəkildə günəbaxan tumlarını çıtlayaraq qabıqlarını oturacaq altına və döşəməyə atıb. Bu isə digər sərnişinlər tərəfindən birmənalı qarşılanmayıb.
Hadisə şahidlərinin sözlərinə görə, avtobusun içində kifayət qədər səliqə-sahman olduğu halda, bu cür hərəkət həm sürücü, həm də digər sərnişinlər üçün narahatlıq yaradıb.
"Bura ev deyil ki, rahat oturub səs-küylə tum çırtlasın. Üstəlik, çör-çöpü də avtobusun içində tullayır. Biz də bu nəqliyyatdan istifadə edirik, hər kəs qaydalara əməl etməlidir", – sərnişinlərdən biri bildirib.
