Gəncədə ətraf mühiti məişət tullantıları ilə zibilləyən şəxslər inzibati məsuliyyətə cəlb olunublar.
Gencexeber.az-a DİN-in Mətbuat Xidmətinin Gəncə regional qrupundan verilən məlumata görə, sanitariya-gigiyena qaydalarının pozulması hallarının qarşısının alınması məqsədilə Gəncə Şəhər Baş Polis İdarəsinin əməkdaşları tərəfindən növbəti tədbirlər keçirilib.
Bildirilib ki, ərazilərin məişət tullantıları ilə zibillənməsi halları ilə bağlı 23 nəfər barəsində inzibati qaydada protokol tərtib olunub. Antisanitar vəziyyət polis və aidiyyəti dövlət qurumu tərəfindən aradan qaldırılıb.
