Gəncə şəhəri ərazisində qırmızı kərpiclə üzlənən bir sıra təhlükəli tikililərlə bağlı redaksiyamız dəfələrlə yazı dərc edib.
Gencexeber.az-a Gəncə Şəhər İcra Hakimiyyəti tərəfindən verilən məlumata əsasən, vaxtı ilə Gəncədə aparılan tikinti-quruculuq işləri zamanı şəhərin tarixi simasının qorunması məqsədi ilə fasadlar qırmızı kərpiclə üzlənib. Vaxt ötdükcə bu kərpic üzlüklər aşınmaya məruz qalıb, müxtəlif yerlərdə çatlar yaranıb, şəhərin bəzi ərazilərində bu üzlüklərin uçması halları baş verib.
Qurumdan bildirilib ki, şəhər rəhbəri Niyazi Bayramovun tapşırığı ilə sözügedən kərpic üzlüklərin bərpasına başlanılıb. İşlər hazırda şəhərin Nizami Gəncəvi və Atabəylər prospektlərində aparılır. Gəncə şəhər Mənzil Kommunal Təsərrüfatı İstehsalat Birliyinin Təmir-tikinti və qəza xidməti şöbəsinin işçiləri tərəfindən qəzalı vəziyyətdə olan kərpic üzlüklər sökülərək, yeniləri ilə əvəz edilir.
Qeyd olunub ki, təmir-bərpa işləri şəhərin ehtiyac duyulan digər ərazilərində də həyata keçiriləcəkdir.
[caption id="attachment_72173" align="alignnone" width="696"]
[/caption]
[caption id="attachment_72171" align="alignnone" width="696"]
[/caption]
[caption id="attachment_72170" align="alignnone" width="696"]
[/caption]
