Gəncənin bir neçə ərazisi işıqlandırılmır.
Gencexeber.az məlumat verir ki, sözügedən məsələ ilə bağlı sakinlərdən daxil olan şikayətlərin ardı-arası kəsilmir. Belə hallar Natəvan qəsəbəsi, keçmiş “Keçid” küçəsi kimi adlanan ərazidə, həmçinin Sevinc qəsəbəsinin mərkəzi yollarında müşahidə edilir.
Vətəndaşların sözlərinə görə, küçələrin işıqlandırılmasında yaşanan ciddi problem illərdir davam edir. Onlar qeyd edirlər ki, bu hal avtomobil qəzalarının riskini artırır və eyni zamanda, xüsusən gecə saatlarında insanların hərəkətini çətinləşdirir.
Qəsəbə sakinləri yerli hakimiyyət orqanlarının operativ müdaxiləsinə və problemin tezliklə həllinə, eləcə də axşam və gecə küçələrdə təhlükəsiz hərəkət şəraitinin yaxşılaşdırılmasına ümid edirlər.
