Xəbər verdiyimiz kimi, Yeni Gəncə qəsəbəsində hərbçilərin və şəhid ailələrinin məskunlaşdığı şəhərcikdə binalardan birində üzün müddət lift işləməyib.
Gencexeber.az məlumat verir ki, 173 nömrəli binanın 2-ci blokunda yaşayan vətəndaşların Mənzil Kommunal Təsərrüfatı İstehsalat Birliyinin Mərkəzləşdirilmiş Dispetçer Xidmətinə çoxsaylı müraciətlərinə baxmayaraq sorğulara məhəl qoyulmayıb.
Lakin redaksiyamız tərəfindən problem işıqlandırıldıqdan sonra lift sanki “möcüzəvi şəkildə” təmir olunaraq yenidən işə salındı. Əvvəllər hər gün pilləkən maneələrini dəf etməli olan bina sakinləri artıq liftdən istifadə edə bilirlər.
Bu cür məlumatlardan bir daha aydın olur ki, insanların problemlərinə diqqət yetirmək və onlara həssas yanaşmaq mədəniyyətin ayrılmaz hissəsidir. Amma təəssüf ki, bəzi məsələlər ancaq geniş ictimaiyyətə məlum olduqdan və qınaq obyektinə çevrildikdən sonra həllini tapır.
View this post on Instagram
