Gəncə şəhərində 44 yaşlı Şəmistan Süleymanovun ölümünün bəzi təfərrüatları məlum olub.
Gencexeber.az xəbər verir ki, ilkin məlumata görə 1980-ci il təvəllüdlü Şəmistan Süleymanov Nəsimi Mustafayevdən borcunu istəyib. Bu səbəbdən tərəflər arasında mübahisə yaranıb və N.M sonuncuya kəsici alətlə bir neçə zərbə vurub.
Ş.Süleymanov xəstəxanaya çatdırılsa da onun həyatını xilas etmək mümkün olmayıb.
Məlumat üçün bildirək ki, mərhum usta olub və tərəflər arasında qohumluq əlaqələri var.
17:47
Gəncə şəhər Baş Polis İdarəsinə Daşkəsən rayon sakini, 1980-cii il təvəllüdlü Şəmistan Süleymanovun kəsici-deşici alətlə qətlə yetirilməsi ilə bağlı məlumat daxil olub.
Gencexeber.az məlumat verir ki, polis əməkdaşları hadisə yerinə gələrək müvafiq tədbirlər həyata keçirib. Keçirilmiş əməliyyat-axtarış tədbirləri nəticəsində cinayəti törətməkdə şübhəli bilinən 1971-ci il təvəllüdlü Nəsimi Mustafayev saxlanılıb.
Faktla bağlı prokurorluqda araşdırma aparılır.
17:26
Gəncədə qətl hadisəsi baş verib.
Gencexeber.az məlumat verir ki, hadisə Totanlı küçəsi, 6-cı döngə, ev 13 ünvanında qeydə alınıb. İlkin məlumata görə, baş verən mübahisə zamanı bir nəfər bıcaqlanaraq qətlə yetirilib.
Hadisə yerinə polis və prokurorluq orqanlarının əməkdaşları cəlb olunub. Ölən şəxsin kimliyi və hadisəni törədən şəxsin şəxsiyyəti dəqiqləşdirilir.
