Gəncədə Avtozavod qəsəbəsinin sakinləri yollardakı acınacaqlı vəziyyətdən şikayətçidir.
Gencexeber.az-a bu barədə vətəndaşlar tərəfindən müraciət daxil olub.
Belə ki, Avtozavod qəsəbəsi, Cümhuriyyət küçəsində, 20 saylı marşrut avtobusunun dayanacağı yaxınlığında asfalt yol bərbad vəziyyətdədir.
Şikayətçilər bildirir ki, son dövrlərdə yollarda artan iri çuxurlar sürücülərin və piyadaların təhlükəsizliyini təhdid edir:
“Nəinki bu küçədə, hətta qəsəbə ərazisindəki əsas yolların bir çoxundakı çuxurlar hərəkətin çətinləşməsinə və avtomobillərin zədələnməsinə səbəb olur. Bu vəziyyət uzun müddətdir davam edir, aidiyyəti qurumların məsələni həll etmək kimi fikri yoxdur. Şikayətçi sakinlər olaraq, bu məsələnin tez bir zamanda diqqətə alınmasını, lazımi tədbirlərin görülməsini tələb edirik”.
Qeyd edək ki, bir müddət əvvəl sözügedən küçədə iri çuxurlarla bağlı daha bir şikayəti işıqlandırmışdıq.
Humay İsgəndərli
