Xəbər verdiyimiz kimi, Gəncədə avtobus dayanacaqlarının birinin ətrafı zibillənib.
Gencexeber.az məlumat verir ki, sözügedən hal Sevinc qəsəbəsində, 11 saylı marşrut avtobusunun dayanacağı ətrafında müşahidə edilib. Redaksiyamıza Gəncə Şəhər Baş Polis İdarəsindən verilən məlumata əsasən, qurumun əməkdaşları məsələ ilə bağlı müvafiq tədbirlər həyata keçiriblər.
Belə ki, Gəncə şəhər MKTİB-nin işçiləri ərazidə təmizlik işlərinə cəlb olunub. Həmin yerdə səliqə-sahman yaradılıb, alaq otlar biçilib, məişət və digər tullantılar həmin yerdən uzaqlaşdırılıb.
Dayanacağın hazırkı vəziyyətinin qiymətləndirilməsini isə Gəncə sakinlərinin öhdəsinə buraxırıq.
