Gəncə futbolunda yeni qalmaqalın əsası qoyulub.
Sport24.аz xəbər verir ki, bu dəfə diqqət mərkəzində "Kəpəz"in icraçı direktoru Cabir İbrahimov və veteran futbolçu Firuz Qulamidir.
İcraçı direktor aralarında yaşanan narazılığa görə veteran futbolçunun evinə adam göndərib. Qulami məsələnin dava-dalaş həddinə çatacağını, problemin daha da böyüyəcəyini hiss edərək 102-yə zəng vurub. Bundan sonra yaşananlara hüquq-mühafizə orqanı müdaxilə edib.
Firuz bəy baş verənlərlə bağlı polisə müraciət edib. Hazırda araşdırma gedir.
Baş verən olay barədə isə geniş danışmaq istəmədiyini bildirib:
"Müəyyən səbəblərə görə, indi baş verənlərlə bağlı danışmaq istəmirəm. Hər şeyin vaxtı var. Zamanı gələndə ictimaiyyətə bu barədə geniş açıqlama verəcəm".
