"Gəncə və qərb bölgəsi istiqamətində müasir avtobusların və sürətli qatarların sayı artırılır. Lakin buna baxmayaraq, müəyyən texniki problemlər qalmaqdadır”.
Qayarinfo xəbər verir ki, bunu parlamentin bu gün keçirilən plenar iclasında deputat Naqif Həmzəyev deyib.
Millət vəkili qeyd edib ki, sürətli qatarlarla gedənlərə ikinci yükün və ya baqajın keçirilməsinə imkan verilmir, bu da sərnişinlərin ciddi narazılığına səbəb olur:
"Nəticədə qatara miniş zamanı problemlər yaranır. Bir deputat kimi mən özüm də belə halların şahidi olmuşam. Bu istiqamətdə məsələ qaldırılsa da, həlli tapılmayıb. Elə olub ki, sərnişinin yükünün birini özümlə keçirməli olmuşam. Aidiyyəti qurumlar bunu vətəndaşların bir neçə pulsuz yük daşımasının qarşısını almağa xidmət etməsi ilə izah ediblər"
Deputat təklif edib ki, ikinci və ya üçüncü yük üçün əlavə vəsait ödənilsin:
"İnsanlar tələbə övladlarının yanına gəlirlər və yaxud başqa yerə qonaq gedirlər, bu səbəbdən də əlavə baqajları olur. Ona görə də təklif edərdim ki, birdən çox yük keçirmək üçün əlavə vəsait ödənilməsi tətbiq edilsin".
