Gəncə sakini tiktoker Elsevər Nəbiyev saxlanılıb.
Gencexeber.az xəbər verir ki, bu barədə Daxili İşlər Nazirliyi məlumat yayıb.
Bildirilib ki, sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar edən şəxslərlə bağlı polis əməkdaşları tərəfindən qanunamüvafiq tədbirlər davam etdirilir.
Keçirilən növbəti tədbir nəticəsində "Eliş" ləqəbli Elsevər Nəbiyev saxlanılıb.
Araşdırmalarla onun narkotik aludəçisi olduğu da müəyyən edilib.
Məhkəmənin qərarı ilə E.Nəbiyev 25 sutka inzibati qaydada həbs edilib.
Qeyd edək ki, Elsevər Nəbiyev 2021-ci ildə də satış məqsədi ilə qanunsuz olaraq narkotik maddə əldə edib saxlamaqda şübhəli bilindiyi üçün saxlanılıb.
