Gəncəli müğənni Abbas Bağırov sosial şəbəkə hesabında hazırkı idman formasını əks etdirən fotolar yayımlayıb.
Gencexeber.az məlumat verir ki, idman yarışlarında iştirak etmək fikrində olmadığını deyən Əməkdar artist insanların öz məqsədlərinə çatmalı olduğunu vurğulayıb.
"Hər bir hədəf yolunda irəliləmək, özünə verdiyin sözləri tutmaq və özünü daha güclü bir halına çevirmək üçün məqsədlər qoymaq vacibdir.
Həyatımızda bizi qabağa aparan bu kiçik qələbələrdir. Hədəfə çatmaq yolunda hər addım, hər uğur, əslində öz yarışımızın qalibi olmaq deməkdir. Nəticədə, ən böyük rəqibimiz özümüzük, ən böyük qələbəmiz isə öz iradəmizdir”, - sənətçi qeyd edib.
Qeyd edək ki, Abbas Bağırov 29 avqust 1982-ci ildə Gəncə şəhərində anadan olub. 1988-ci ildə Gəncə şəhərində 34 nömrəli orta məktəbə daxil olub və eyni zamanda Gəncə şəhəri 2 nömrəli musiqi məktəbində fortepiano üzrə Kamal Şirinovdan dərs alıb. O, 2011-ci ildə Azərbaycan prezidenti İlham Əliyevin imzaladığı sərəncama əsasən Azərbaycan Respublikasının Əməkdar Artisti fəxri adına layiq görülüb.
