Qış mövsümünə hazırlıq məqsədilə Mənzil Kommunal Təsərrüfatı İstehsalat Birliyi (MKTİB) Gəncə şəhərində yaşayış binalarının dam örtüklərində və novdanlarında yarana biləcək fəsadların aradan qaldırılması istiqamətində işlərini davam etdirir.
Gencexeber.az bildirir ki, Birliyin təmir-tikinti və qəza xidməti şöbəsi tərəfindən bu dəfə Muxtar Hacıyev küçəsində yerləşən 17 saylı yaşayış binasında, dam örtüyü və novdanın qəzalı hissələrində təmir işləri həyata keçirilib.
Bundan başqa MKTİB-nin mütəxəssisləri tərəfindən yağış sularının normal axınına maneəçilik törədən toz-torpaq, xəzəl və bərkimiş palçıq kütləsi də dam örtüklərindən və novdanlardan təmizlənib. Məqsəd qeyri-sabit və yağıntılı hava şəraitində bina sakinlərinin rahatlığının təmin edilməsidir.
Qeyd olunub ki, MKTİB tərəfindən bu kimi analoji işlər şəhərin digər ünvanlarında da davam etdirilir.
[caption id="attachment_71930" align="alignnone" width="696"]
[/caption]
[caption id="attachment_71929" align="alignnone" width="696"]
[/caption]
