"Araz-Naxçıvan" ilə oyundan sonra “Kəpəz” PFK-nın baş məşqçisi Azər Bağırov matçla bağlı jurnalistlərlə açıqlama verib.
Gencexeber.az bildirir ki, bu barədə “Kəpəz” PFK məlumat yayıb.
Baş məşqçi komandaya dəstəyə görə Gəncə azarkeşlərinə təşəkkür edib.
“Bizi final fitinə qədər dayanmadan dəstəklədilər. Tovuzlu azarkeşlərə də minnətdarlığımı çatdırıram. Matça gəlincə, iki fərqli hissə oynadıq. İlk yarıda istədiklərimiz alınmırdı. Bəzi dəyişikliklər etdik. Birinci hissənin təhlili ikinci 45 dəqiqədə bəhrəsini verdi. Sadəcə olaraq qol vura bilmədik", - deyə A.Bağırov bildirib.
Qeyd edək ki, ötən gün futbol üzrə Azərbaycan Premyer Liqasının XIV turunun açılış oyununda “Kəpəz” “Araz-Naxçıvan”la qarşılaşıb.
