Aşıq Namiq Fərhadoğlu atasının ölümündə ittiham etdiyi həkimi bağışlayıb.
Pravda.аz xəbər verir ki, o, həkimin adını açıqlamaq istəməyib.
“Atamı bu gün dəfn etdik. Mən şou istəmirəm. Həkim dünən əlində “Quran” gəldi, and içdi ki, istəyirsən, məni öldür, amma günahım yoxdur, normal müalicə etmişəm, atanız 15-16 gün də yaşayıb. Mən də hacı, kərbəlaiyəm, Allaha, “Quran”a inanan adamam. Həkimi bağışladım. Ekspertizaya, prokurorluğa yazdırmadıq. Evdəkilər də xahiş etdilər ki, yazdırmayaq. Düşmən qazanan adam deyiləm. Hamı bilir. Balalarının canına and içdi ki, səhv deyirəmsə... İnsanıq də. “Quran”ın iki başı var, kim yalandan and içirsə, Allah cəzasını verəcək. Allaha qurban olum...” - o bildirib.
Qeyd edək ki, bir müddət öncə atasını xəstəxanaya yerləşdirən Namiq Fərhadoğlu onun həkim məsuliyyətsizliyi ucbatından vəfat etdiyini bildirmişdi.
