Azərbaycan Dövlət Aqrar Universitetinin (ADAU) Əsaslı kitabxanası və Energetika və elektrik mühəndisliyi kafedrasının birgə təşkilatçılığı ilə 8 Noyabr - Zəfər Günü və 9 Noyabr - Dövlət Bayrağı Günü münasibətilə tədbir keçirilib.
Gencexeber.az-a bu barədə ADAU-dan məlumat verilib.
Tədbirdə, əsaslı kitabxananın direktoru Kamil Məmişov, Energetika və elektrik mühəndisliyi kafedrasının müdiri Fəxrəddin Yusibov, Mühəndislik fakültəsinin dekanı Təvəkgül İslamov, I Qarabağ müharibəsi iştirakçısı baş müəllim Arzu İsmayılov iştirak edib.
Zəfər Gününə həsr olunan növbəti tədbir Aqrar Gənclər Təşkilatı və Gəncə şəhərində fəaliyyət göstərən “Art Studio”nun birgə təşkilatçılığı ilə "Zəfər Günü" adlı yaradıcılıq müsabiqəsi olub.
Müsabiqədə müxtəlif ixtisaslardan olan həvəskar rəssam tələbələr öz əsərlərini təqdim ediblər. Yaradıcılıq mövzusunda bacarıqlarını nümayiş etdirən tələbələrdən Azərbaycan Dövlət Aqrar Universitetinin IV kurs tələbəsi Zümrüd Məmmədova I yerə layiq görülüb.
Qalib tələbələr müsabiqənin sonunda müxtəlif hədiyyə və sertifikatlarla təltif olunublar.
