Bir müddət əvvəl ilan sanması diaqnozu ilə Ağstafa rayonundan Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya olunan 7 aylıq hamilə qadının elə KTM-də körpəsi dünyaya gəlib.
Kliniki Tibbi Mərkəzdən Gencexeber.az-a verilən məlumata görə, oktyabrın 31-də Ağstafa rayonundan KTM-in doğum şöbəsinə gətirilən qadın fəsadlaşmış analıq anamnezi ilə Ginekoloji Patologiya şöbəsinə qəbul olunub.
Daxil olduğu gündən noyabrın 6-sı tarixinə qədər ana müvafiq müayinələrdən keçib və stasionar şəkildə müalicələr alıb. Noyabrın 6-da ananın və dölün perinatal mühafizəsi məqsədilə tibbi göstərişlərə əsasən hamiləlik qeysəriyyə kəsiyi əməliyyatı ilə sonlandırılıb.
Əməliyyat həkim mama-ginekoloq Nailə Abbaslı tərəfindən uğurla icra olunub. Çəkisi 3 kq, boyu 51 sm olan uşaq (kişi cinsli) dünyaya gəlib. Hazırda ananın və körpənin vəziyyəti kafidir.
Fidan İlqar
