Gəncənin bir neçə yolunda yaranan çöküntülər sürücüləri narahat edir. Bu haqda Gencexeber.az-a 27 may tarixində məlumat daxil olub.
Söhbət İsrafil Məmmədov, Nəsib bəy Yusifbəyli, Dədə Qorqud, Mikayıl Müşfiq küçələrindən, Nəriman Nərimanov prospekti ilə Ərdəbil küçəsinin, Mikayıl Müşfiq ilə Şərəfxanlı küçələrinin və Şah İsmayıl Xətai prospekti ilə Azərbaycan Bayrağı (keçmiş Tağı Aranı) küçələrinin kəsişmələrindən gedir.
Adıçəkilən ərazilərdəki yollarda çöküntülər əmələ gəlib. Küçələrin təmirə ehtiyacı var. Sözügedən vəziyyət səbəbindən yollarda avtomobillərin hərəkətində çətinlik yaranıb. Sürücülər məsələnin aradan qaldırılmasını arzu edirlər.
[modula id="60205"]
