Gəncə şəhəri Uşaq İncəsənət Məktəbinin ansamblı festivalda uğur qazanıb. Bu haqda 14 may tarixində İcra Hakimiyyətinə istinadən xəbər veririk.
“Qavaldaş” zərb çalğı alətlərinin müxtəlif növlərində ifa üzrə uşaq və gənclərin V Respublika festival-müsabiqəsinin final mərhələsi keçirilib. Müsabiqə Beynəlxalq Muğam Mərkəzində Respublika Uşaq-Gənclər İnkişaf Mərkəzinin təşkilatçılığı ilə baş tutub.
Festivalda şəhərimizi təmsil edən "Xəmsə" nağara ifaçıları ansamblı festivalda I yerə layiq görülərək kubok və diplomla təltif olunub. Ansamblın bədii rəhbəri Söhrab İbrahimovdur. Ümumilikdə Respublika üzrə Gəncə şəhəri də daxil olmaqla 34 bölgə və Bakı şəhərinin 11 təhsil müəssisəsindən festival-müsabiqəyə 100-dən çox ərizə və video qəbul edilib.
