Gəncədə qurumların birinin işçilərinə maaş verilmir.
Gencexeber.az məlumat verir ki, Gəncə şəhər İcra Hakimiyyəti yanında Mənzil Kommunal Təsərrüfatı İstehsalat Birliyinin (MKTİB) bir qrup əməkdaşı 3 aydan artıqdır əmək haqqı ala bilmir. Söhbət sözügedən qurumun yaşıllaşdırılma üzrə 10 nəfərdən artıq nəzarətçisindən gedir.
"Artıq 3 aydır ki, hər gün saat 09:00-dan 18.00-a kimi işə gedib-gəlirik, işçilərin davamiyyət kitabına nəzarət edirik və hər ay işçilərə əmək haqqı yazırıq amma özümüz maaş ala bilmirik" - deyə şikayətdə bildirilib.
Məlumat üçün qeyd edək ki, əmək haqqı ala bilməyən sahə rəisləri əsasən ərazi üzrə yaşıllaşdırma şöbəsinə aid olan işlərə nəzarət edir, şəhər tədbirlərində, ağacəkmə aksiyalarında iştirak edir, rəhbərliyin verdiyi tapşırıqları yerinə yetirir.
