Dünən axşam saatlarında Bakı-Qazax magistral yolunun Tovuzdan keçən hissəsində baş vermiş ağır qəzada həlak olan hərbçilər bu gün dəfn ediləcəklər.
Qafqazinfo.аz xəbər verir ki, Azərbaycan Ordusunun baş giziri Ruslan Əhliman oğlu Qurbanov Ağstafanın Aşağı Göyçəli, baş çavuş Qabil Qaybalı oğlu Alıyev Qazaxın Alpout, çavuş Qələndər Mail oğlu Əhmədov Ağstafanın Kolxəlfəli, kiçik çavuş Turan Cavad oğlu Mehdiyev Qazaxın Dəmirçilər kəndində dəfn olunacaqlar. Çavuş Əliyev Bəhlul Aydın oğlu isə Qazax şəhərində torpağa tapşırılacaq.
Bildirilir ki, qəzada həlak olan hərbçilər Kəlbəcərdə xidmət edirmişlər. Onlar xidmət etdikləri yerdən yaşadıqları rayona qayıdarkən dəhşətli hadisə baş verib.
Qeyd edək ki, dünən axşam saatlarında Tovuz rayonunun Ceyrançöl adlanan ərazisində ağır yol-nəqliyyat hadisəsi baş verib. "Mercedes" və VAZ markalı avtomobillərin toqquşması nəticəsində altı nəfər həlak olub, bir nəfər xəsarət alıb.
Dəhşətli qəzada həlak olan hərbçilərin fotolarını təqdim edirik:
Baş gizir Ruslan Əhliman oğlu Qurbanov
Çavuş Bəhlul Aydın oğlu Əliyev
Çavuş Qələndər Mail oğlu Əhmədov
