Gəncənin mərkəzində tikinti üçün qazılan xəndək zibil poliqonuna çevrilib.
Gencexeber.az-a bu barədə şikayət daxil olub.
Şikayətçi bildirir ki, Xan Bağının yaxınlığında qazılan xəndək məişət tullantıları poliqonuna çevrilib.
“Vaxtı ilə bina tikintisi üçün nəzərdə tutulan ərazidə xəndək qazılıb, sonra isə qismən hasara alınıb. Ardından işlər yarımçıq saxlanılıb. Ərazi hasara alındıqdan sonra qazılan xəndəyə məişət tullantıları atılıb, nəticədə də zibillik yaranıb. Nədənsə illərdir davam edən biabırçı mənzərə aradan qaldırılmır. Bu həm antisanitariya əmələ gətirir, həm də pis qoxu ərazini bürüyür. Aidiyyəti qurumlara müraciətlər olunsa da, ərazi məişət tullantılarıdan təmizlənmir. Xahiş edirik ki, məsələyə baxılsın”.
