Gəncə sakininin etdiyi bazarlıq istənilən nəticəni verməyib.
Gencexeber.az-a “Araz” supermarketlər şəbəkəsinin müştəriləri tərəfindən Atatürk prospekti 127B ünvanında yerləşən mağazada yaşanan xoşagəlməz halla bağlı şikayət daxil olub: “Violetto” kərə yağı kiflənib, “Karakum” konfetindən qurd aşkarlanıb.
Malların vəziyyətini soruşduqda mağaza işçilərinin cavabı “Açıb baxmırıq, haradan bilək?” olub.
Müştərinin sözlərinə görə, hadisə dünən, dekabrın 2-si baş verib. Şikayətçi iradlarını bildirdikdən sonra mağaza tərəfindən ödənilən məbləğ geri qaytarılıb. Redaksiyamıza müraciət edən şəxs vurğulayıb ki, həmin dükanda oxşar problemlərlə dəfələrlə üzləşib.
