Gəncəli şagird təhsilini Macarıstanın ən yaxşı ali təhsil ocağında davam etdirəcək.
Gencexeber.az-ın məlumatına görə, Gəncə şəhər Fizika-Riyaziyyat Təmayüllü Liseyin (FRİTL) 2024-cü il məzunu Talib Hüseynli Avropanın ən nüfuzlu ali təhsil ocaqlarından biri hesab edilən Macarıstanın Seqed Universitetinə qəbul olunub.
Talib Hüseynli qəbul prosesində beynəlxalq IELTS və SAT imtahanları ilə yanaşı, universitetin daxili imtahanından da uğurla keçib. O, təhsilinin 1-ci kursundan sonra universitetdaxili təqaüd alacaq.
Qeyd edək ki, Seqed şəhəri dünyanın ən böyük 5 tələbə şəhərindən biri kimi tanınır. Seqed Dövlət Universitetinin iki məzunu isə Nobel mükafatı laureatı olub.
