İdman sevgisinin yaşı yoxdur – bunu sübut edən balaca qəhrəmanımız İbrahimxəlil Sadıqov cəmi 2 yaşındadır.
Gencexeber.az məlumat verir ki, o, məşqçisi Layıcov Seymurun rəhbərliyi ilə boks və MMA üzrə məşqlərə həvəslə qatılır və hər gün bacarıqlarını artırır.
İbrahimxəlil ötən həftə Göygöldə keçirilən grappling üzrə açıq çempionatı izləyib. Bu yarış balaca idmançının həvəsini daha da alovlandırıb – o, döyüşə çıxmasa da, özündən qat-qat böyük idmançıları diqqətlə izləyib, onlardan öyrənib.
Bu gün İbrahimxəlil həmyaşıdları və hətta yeniyetmələr üçün nümunədir. Onun böyük həvəsi və nizam-intizamı valideynlərini, məşqçilərini və ətrafındakı hər kəsi sevindirir. Hələ uşaq yaşlarından idmana bağlılığı ilə o, sağlam həyat tərzinin təbliğatçısına çevrilib.
İbrahimxəlilin ən böyük arzusu peşəkar idmançı olmaqdır. Onun bu hədəfə doğru ilk addımlarını bu qədər böyük həvəslə atması, gələcəkdə ölkəmizi beynəlxalq arenalarda təmsil edəcək bir çempionun yetişdiyindən xəbər verir.
