Gəncədə şəhərdə mövcud işıqlandırma sistemlərinin təmiri həyata keçirilib.
Gencexeber.az Gəncə şəhər Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, qurumun İşıqlandırma şöbəsi şəhərin küçə və prospektlərində, park və xiyabanlarında, həmçinin yaşayış massivlərində aparılan monitorinqlərin nəticələrinə uyğun olaraq təmir işlərini aparıb.
Bildirilib ki, şəhər ərazisində köhnə plafonlar dəyişdirilib, lampalar daha müasir qənaətli, eləcə də işıqlandırma sahəsi daha geniş olan yeni LED lampaları ilə əvəzlənib. Bundan başqa ehtiyac duyulan yerlərə yeni dirəklər basdırılıb, müasir gecə işıqlandırma sistemi çəkilib.
Nizami Gəncəvi prospektində həyata keçirilən təmir işləri çərçivəsində yolun hər iki tərəfində yerləşən işıq dayaqlarına yeni plafonlar qoyulub, mövcud nasazlıq aradan qaldırılıb, istismar müddəti bitmiş, həmçinin işləməyən lampalar yeniləri ilə əvəzlənib.
