Xəbər verdiyimiz kimi, iki gün öncə Gəncədə 2006-ci il təvəllüdlü Rauf Hüseynov bıçaqlanıb. Bir müddət sonra onu bıçaqlamaqda şübhəli bilinən Gəncə şəhər sakini İvan David oğlu Doçenko saxlanılaraq istintaqa təhvil verilib.
Gencexeber.az-ın məlumatına görə, İ.Doçenko Gəncədə məskunlaşmış qaraçı xalqının nümayəndəsidir. Zərərçəkənlə onun arasında mübahisə Əttarlar küçəsində yerləşən ticarət mərkəzlərinin birində keçirilən konsert zamanı şəxsi münasibətlər zəmnində baş verib.
Xatırladaq ki, Gəncədə qaraçıların narahatedici davranışı ilə bağlı şikayətlərin sayının əhəmiyyətli dərəcədə artması haqda xəbər vermişdik. Sözügedən məlumata operativ şəkildə reaksiya verən Gəncə Şəhər Baş Polis İdarəsinin əməkdaşları tərəfindən şəhər ərazisində dilənçilik edən və tüfeyli həyat tərzi sürən 46 nəfər də artıq saxlanılıb.
Cavid Şəmiyev
