Gəncə sakinləri qanunsuz parklanmadan şikayətçidir.
Gencexeber.az bildirir ki, bu barədə teatrşünas Anar Bürcəliyev paylaşım edib.
O qeyd edib ki, qanunsuz parklanma ilə bağlı akademik Firuz Məlikov küçəsinin sakinləri adından 25 sentyabr 2024-cü il tarixində Gəncə şəhər İcra Hakimiyyətinin Başçısı Niyazi Bayramova və Gəncə şəhər Baş Polis İdarəsinin Dövlət Yol Polisi Şöbəsinin rəisi, polis polkovnik-leytenantı Eldəniz Həsənova şikayət ərizəsi ünvanlayıblar:
“Təəssüflər olsun ki, bu günədək küçə sakinlərinin müraciətinə baxılmayıb. Gərək küçədə sürət həddinə görə hansısa ciddi bir qəza baş versin ki, məsələyə diqqət yönəldilmiş olsun? Ümidvarıq ki, aidiyyəti qurumlar məsələyə biganə qalmayaraq, Gəncə şəhəri akademik Firuz Məlikov küçəsinin sakinlərinin müraciəti əsasında problemin həll olunmasına köməklik göstərəcəklər”.
Sözügedən şikayət ərizəsini təqdim edirik:
“Biz, Gəncə şəhəri, akademik Firuz Məlikov küçəsinin sakinləri sizə müraciət etməkdə məqsədimiz bundan ibarətdir ki, qeyd edilən küçə şəhərin mərkəzi küçələrindən biri hesab olunur. Heydər Əliyev prospekti ilə Mirzə Abbas Abbaszadə küçələrinin kəsişməsində fəaliyyətə bașlayan iaşə obyekti akademik Firuz Məlikov küçəsinin sakinləri üçün çox ciddi problemlər yaratmaqdadır. Belə ki, həftənin bütün günləri, əsasən axşam saatlarında, akademik Firuz Məlikov küçəsində qanunsuz olaraq avtomobillərin parklanması küçə sakinlərinin ciddi narahatlığına səbəb olur. Həmçinin akademik Firuz Məlikov küçəsi ilə hərəkət edən avtomobillərin sürət həddinin artıq olması sakinlərin ciddi narahatlığına və təhlükəsizliyinə șərait yaradır. Nəzərə alsaq ki, burada yașlılar, azyaşlı sakinlər var, onlar yüksək sürət həddinin səbəbindən küçəyə çıxa bilmirlər. Göstərilənləri nəzərə alıb Gəncə şəhəri, akademik Firuz Məlikov küçəsində avtomobillərin qanunsuz parklanmasının qarşısının alınmasına və qeyd edilən küçədə sürət həddinin nizamlanması üçün tramplinlərin qoyulmasına köməklik göstərmənizi sizdən xahiş edirik”.
[caption id="attachment_71457" align="alignnone" width="696"]
[/caption]
[caption id="attachment_71456" align="alignnone" width="696"]
[/caption]
[caption id="attachment_71458" align="alignnone" width="696"]
[/caption]
