Gəncədə qaraçıların narahatedici davranışı ilə bağlı şikayətlərin sayı artıb.
Gencexeber.az məlumat verir ki, qaraçılar gəncəlilərin və şəhərin qonaqlarının küçələrdə hərəkətinə mane olurlar. Bunu iddia edən yerli vətəndaşlar sözügedən məsələyə dair redaksiyamıza videogörüntülər təqdim ediblər.
Onlar tərəfindən bildirilib ki, qaraçılar piyadaları, xüsusən də cütlükləri görən kimi onların qarşısına çıxır, əllərindən və ayaqlarından tutub dilənməyə başlayırlar. Əlavə edilib ki, onları polislə qorxutmaq cəhdləri isə nəticə vermir.
Görüntülərin birində qaraçılar maşından düşmək istəyən qadının qarşısını kəsirlər. Sürücü uzun müddət onlardan yaxa qurtara bilmir.
Başqa bir videoda qaraçılar sahibsiz itlərə qarşı amansızlıq göstərib, onlara sataşıb, daş atırlar. Bu hal isə heyvanların daha da aqressivləşməsinə, eləcə də növbəti dəfə yanlarından keçən digər piyadalara hücum etmələrinə səbəb ola bilər.
Sakinlər narahatlıqlarını bildirərək aidiyyəti orqanlardan şəhər küçələrində təhlükəsizliyin təmin edilməsi və növbəti insidentlərin qarşısının alınması üçün tədbirlər görmələrini istəyirlər.
