Gədəbəydə kələm əkən fermerlər məhsuldarlıqdan narazıdır.
Gencexeber.az-a bu barədə şikayətçi fermerlər məlumat verib.
Bildirilib ki, hava şəraitinin həddindən artıq yağıntılı olması məhsuldarlığa ciddi təsir edib.
“Belə ki, ötən il bir hektardan 80-90 sentner kələm məhsulu yığılırdısa, indi bu rəqəm xeyli aşağı düşüb. Əkin sahələrinin bir hissəsində məhsulun çürüməsi və qiymətlərin aşağı olması bizləri çətin vəziyyətə salıb. Bazarlarda kələmin bir kiloqramının qiyməti 70-90 qəpik arasında dəyişsə də, Gədəbəy rayonunda kələmin qiyməti 15-25 qəpik arasında təklif olunur. Bu da kəndlilərin əziyyətinin, xərcinin qarşılığını ala bilməməsinə səbəb olur”.
Həmçinin kələm toxumunun baha olması da başqa bir narazılıq mövzusudur.
Gədəbəy Dövlət Aqrar İnkişaf Mərkəzinin məlumatına görə, bu il rayonda 390 hektar sahədə kələm əkilib və ümumi məhsuldarlıq 6830 ton olub.
Lakin bu, fermerlərin istədiyi qədər yüksək məhsuldarlıq deyil və qiymətlərin aşağı olması kəndlilərin işlərini daha da çətinləşdirir.
