Azərbaycan Memarlıq və İnşaat Universiteti üçün yeni korpus binası tikiləcək. Belə ki, bina Bakı şəhəri, Yasamal rayonu, A.Sultanova küçəsi, 11 ünvanında yerləşəcək. Həmçinin Xəzər Universitetinin yeni korpusunun tikintisi üçün Buzovnada 27 hektar ərazi ayrılıb.
Bəs görəsən, başqa hansı universitetlərin yeni korpusu olacaq?
AzEdu.аz xəbər verir ki, ADA Universitetinin yaxın gələcəkdə Şəki və Gəncə kampusları fəaliyyətə başlayacaq.
Mingəçevir Dövlət Universitetindən bildirilib ki, universitetin 7 hektarlıq ərazidə kampusu-şəhərciyi tikilməkdədir:
"Tikinti layihəsinin tərkibində tədris, inzibati, idman zalı, tələbə-müəllim yataqxanası, kitabxana, hotel və peşə mərkəzinin binaları nəzərdə tutulub. Kampus-şəhərcik 10 min tələbə üçün planlaşdırılıb".
