Ekologiya və Təbii Sərvətlər Nazirliyinin tabeliyində fəaliyyət göstərən "Azərbaycan yaşıllaşdırma və landşaft quruluşu” ASC tərəfindən keçirilən tender müsabiqəsinin qalibi "Texnopark AS” MMC (VÖEN -1306544151) olub.
Yeniavaz.cоm xəbər verir ki, ASC "Texnopark AS” MMC-dən istixana kompleksi üçün tələb olunan mal-material və avadanlıqlar alacaq və qarşılığında 144 min 444 manat 44 qəpik ödəyəcək.
Nizamnamə kapitalı 1000 manat olan "Texnopark AS” MMC -nin qanuni təmsilçisi Gülməmmədov Ayxan Şakir oğludur.
Məlumat üçün bildirək ki, "Texnopark AS” MMC bu günə kimi çoxsaylı dövlət qurumlarının keçirdiyi tender müsabiqələrində qalib olub. Bu müsabiqələrdə diqqət çəkən məqamlardan biri odur ki, tender müsabiqələrinin dəyəri bəzi hallarda eyni, ya da qoşa rəqəmlərdən ("zerkalnı”) ibarət olur.
Həmin tender müsabiqələrindən bəzilərini təqdim edirik:
Mingəçevir Şəhər İşıqlandırma İdarəsinin tenderi – 233 333,33 AZN;
Mingəçevir Şəhər Yaşıllaşdırma və Sanitar-Təmizlik İdarəsinin tenderi – 155 555,55 AZN;
Qazax Kommunal Müəssisələr Kombinatının tenderi – 75 555,55 AZN.
Onu da bildirək ki, dövlət qurumlarının keçirdiyi tender müsabiqələrində "zerkalnı” məbləğlər udan yeganə şirkət "Texnopark AS” MMC deyil. Daha əvvəl "Smart Supplıer” MMC (VÖEN - 1804790291) adlı şirkət də tender müsabiqələrində "zerkalnı” məbləğlər udub.
"Smart Supplıer” MMC-nin qalib olduğu tender müsabiqələrindən biri də Göygöl rayon Mərkəzi Xəstəxanasının tenderidir – 33 333,33 AZN.
