Laçın 4 ildir ki, Vətənə geri qaytarılıb.
Gencexeber.az məlumat verir ki, Azərbaycanın füsunkar guşələrindən biri olan Laçın rayonu ölkəmizin cənub-qərbində, Kiçik Qafqazda yerləşir. Rayonun ərazisi şimaldan Kəlbəcər, cənubdan Qubadlı, şərqdən Xocalı, Şuşa və Xocavənd rayonları, qərbdən isə Ermənistanla həmsərhəddir. Rayonun 1 şəhər, 1 qəsəbə, 125 kəndi var.
Laçın 18 may 1992-ci ildə Ermənistan silahlı qüvvələri tərəfindən işğal olunub.
Laçının azad edilməsi 2020-ci il sentyabrın 27-də Azərbaycan Ordusunun Vətən müharibəsindəki uğurlu hərbi əməliyyatları nəticəsində mümkün olub. 10 noyabr 2020-ci ildə imzalanmış Bəyanata əsasən, 1 dekabr 2020-ci il tarixinədək Laçın rayonu Azərbaycana qaytarıldı.
Prezident İlham Əliyevin ötən il iyulun 31-də imzaladığı Sərəncama əsasən, hər il avqustun 26-sı Laçın Şəhəri Günü kimi qeyd ediləcək. Əlamətdar günün bu tarixdə qeyd olunması Azərbaycan Ordusunun Laçın şəhərində 2022-ci ilin avqustun 26-da yerləşməsi ilə əlaqədardır.
