Gəncə məktəblərinin dörd şagirdi idman yarışlarında uğurlu çıxış ediblər.
Gencexeber.az məlumat verir ki, Gəncə şəhər 26 nömrəli məktəb lisey kompleksində təhsil alan Fəxri Qəribov (32 kq), Nərgiz Cəfərzadə (32 kq) və Məmməd Məmmədov (60 kq) 8 noyabr - Zəfər gününə həsr olunmuş sərbəst güləş üzrə turnirə qatılıblar.
F.Qəribov bütün rəqiblərinə qalib gələrək fəxri kürsünün ən yüksək pilləsinə qalxıb. N.Cəfərzadə və M.Məmmədov isə üçüncü yer tutublar. Onlar medal və fəxri diplomlarla təltif olunublar.
Bundan başqa Gəncə şəhər 36 nömrəli tam orta məktəbin şagirdi Dəniz Bayraməli qızı Abbasova karate üzrə 12-13 yaşlı uşaqlar arasında keçirilən ölkə birinciliyində III yer tutub.
O, Azərbaycan Karate Federasiyasının Prezidenti Ülvi Quliyev tərəfindən diplomla təltif edilib.
