Gəncədə iki ərazidə hərəkət çətinləşib. Bu haqda Gencexeber.az-a 15 iyul tarixində məlumat daxil olub.
Söhbət Şah İsmayıl prospektindən və prospektin Səməd Vurğun küçəsi ilə kəsişməsindən gedir. Adıçəkilən hər iki ərazidə asfalt yolun bir hissəsi yararsız haldadır.
Sürücülərin sözlərinə görə, yaranan çöküntülər onların avtomobillərinə ziyan vurur. Həmçinin sürücülərin nəqliyyat vasitələrini idarə etmələrinə maneə törədir.
“Hər gün gedib-gəldiyimiz yoldur, şəhərin mərkəzidir. İstəyirik, gəlib təmir etsinlər. Artıq bir müddətdir bu vəziyyətdədir yolumuz”- deyə sürücülər bildiriblər.
