Gəncədə bulaq tikilir. Bu haqda Gencexeber.az-a 18 aprel tarixində məlumat daxil olub.
İşlər 38 saylı hərbi şəhərcikdə aparılır. Burada Vətən müharibəsi şəhidlərinin xatirəsi əbədiləşdirilir. Bildirilir ki, tikinti işlərindən sonra bulağın üzərinə şəhidlərin şəkilləri vurulacaq.
Bulaq kompleksi şəhidlər Orxan Həsənov və Seymur Ələsgərovun adlarını əbədiləşdirmək məqsədilə inşa edilir.
Qeyd edək ki, Orxan Bəkir oğlu Həsənov 16 oktyabr 2020-ci ildə Cəbrayıl rayonunun işğaldan azad olunması uğrunda gedən döyüşlərdə şəhidlik zirvəsinə ucalıb. Seymur Eldar oğlu Ələsgərov isə 15 fevral 2020-ci il tarixində düşmənin törətdiyi təxribat nəticəsində şəhid olub.
