Doğma Gəncəmizdə idman ənənələri möhkəm və sabitdir, gənc nəsil isə onları uğurla inkişaf etdirir. Şəhərin idman cəmiyyətinin ən parlaq gənc nümayəndələrindən biri də artıq bir sıra yarışlarda uğur qazanmış peşəkar cüdoçu Turan Bayramovdur. Onun kimi əzmkar gənclər sübut edir ki, Gəncə əsl idman istedadı ocağıdır.
Turan müxtəlif illərdə aşağıda sadalanan turnirlərdə mükafatçılar sırasında yer alıb:
- “2019 Polşa Avropa Çempionatı” - Qızıl;
- “2020 Xorvatiya Avropa Çempionatı” - Bürünc;
- “2021 İtaliya Dünya Çempionatı” - Gümüş;
- “2022 Praqa Avropa Çempionatı” - Gümüş;
- “2022 Tbilisi Böyük Dəbilqə turniri” - Bürünc;
- “2023 Tbilisi Böyük Dəbilqə turniri” - Qızıl;
- “2023 Tacikistan Qran-Pri turniri” - Gümüş.
Gencexeber.az-ın əməkdaşı ilə söhbəti zamanı Turan bildirib ki, ən böyük hədəfi 2028 – Yay Olimpiya oyunlarına lisenziya qazanmaqdır:
- 22 yaşım var. 6 yaşımdan Gəncədə cüdo ilə məşğulam, 15 yaşımdan isə karyeramı Bakıda davam etmişəm.
– Gündəlik rejiminiz necədir?
- Hər bir idmançının xüsusi rejimi olduğu kimi, mənim də özümə məxsus rejimim var. Yuxuma diqqət edirəm, səhər məşqindən sonra yatıram ki, axşam məşqinə qədər bərpa olum.
– İdmanda kumiriniz kimdir?
- Mənim kumirim cüdoçu, Avropa Çempionatının qalibi Orxan Səfərovdur.
– Hansısa bir gizli istedadınız varmı?
– İdmançı olmasaydınız hansı peşəni seçərdiniz?
- Atamın yolun gedərdim, Bakı-Gəncə marşrutu üzrə avtobus sürücüsü olardım.
– Hazırda idman karyeranızda hədəfiniz nədir?
- Hədəfim qarşıdakı illərdə Avropa və dünya çempionatlarında layiqincə ölkəmi təmsil etməkdir. Ən böyük hədəfim isə 2028 – Yay Olimpiya oyunlarına lisenziya qazanmaqdır.
– Yeni başlayan gənc idmançılara məsləhətiniz nə olardı?
- Pis vərdişlərdən uzaq olsunlar, valideynlərinin sözünə qulaq assınlar. Məqsədyönlü olsunlar, istirahətlərinə, qidalanmalarına fikir versinlər.
