Gəncədə yol-nəqliyyat hadisəsi baş verib. Bu haqda 5 iyul tarixində Apa-ya istinadən məlumat veririk.
Hadisə “Şəmkir avtovağzalı”nın qarşısında qeydə alınıb. Gəncə-Balçılı marşrut xətti üzrə hərəkət edən 36 nömrəli “Mercedes” markalı sərnişin mikroavtobusu “QAZ-24″lə toqquşub.
Hadisə nəticəsində xəsarət alan olmayıb. Hər iki avtomobilə ciddi ziyan dəydiyi bildirilir.
Faktla bağlı araşdırma aparılır.
