Gəncədə avtomobil qəzası baş verib. Bu haqda Gencexeber.az-a 22 aprel tarixində məlumat daxil olub.
Hadisə şəhərin Üzeyir Hacıbəyov küçəsində qeydə alınıb. “Sevincim” şadlıq sarayının qarşısında “VAZ-2107” markalı avtomobil geriyə dönmə əməliyyatı etməyə hazırlaşıb. Bu vaxt onun arxasınca hərəkət edən “VAZ-2106”nın sürücüsü həmin maşına məhəl qoymayaraq yolun qarşı tərəfinə çıxıb.
Nəticədə avtomobillər toqquşub. Daha sonra “VAZ-2106” idarəetmədən çıxaraq səkinin üstünə qalxıb. Hadisə zamanı xəsarət alan olmayıb.
Əraziyə polis əməkdaşları cəlb ediliblər.
