Gəncədə iki avtomobilin iştirakı ilə yol-nəqliyyat hadisəsi qeydə alınıb. Bu haqda 20 fevral tarixində xəbər veririk.
Hadisə şəhərin Nizami prospektində baş verib. “Hyundai” markalı avtomobil ilə “Lada” markalı avtomobil toqquşub. Nəqliyyat vasitələrinə zərər dəysə də, xoşbəxtlikdən xəsarət alan olmayıb.
Şahidlər bildirirlər ki, “Hyundai” markalı avtomobilin sürücüsü əsas yola çıxarkən “Lada”nı gözləmədiyindən qəza baş verib. Hadisə yerinə DYP-nin əməkdaşları cəlb olunublar.
Qəzanın başvermə səbəbləri araşdırılır.
